גוגל איז -לויט זייער אייגענע ווערטער- די ערשטע עמטליכע קאמפאני וועלכע שטעלט זיך צו צו די מנובלים.

מה לגבי מצעד הגאווה באופן ספציפי? האם אתה מכיר חברות שצעדו באופן רשמי בעבר?

"לא, אני חושב שאנחנו הראשונים שעושים את זה".

איך ווייס נישט צו גוגל מוז זיך צושטעלן צו די חרדים, אבער די חרדים וועלכע אדווערטייזן אויף גוגל איז גענוג א גרויסע פראצענט אז גוגל זאל שפירן אויף זייער הויט אז ארץ ישראל איז צו הייליג און סענסעטיוו פאר אזאלכע שטויות.

מקור.

יא, צו דו גלייבסט יא צו נישט, מייקראסאפט האט דערשפירט דעם היץ…

ווייסט וואס איינער האט געזאגט, ווער איז דער גרעסטער קאמפעטישן פאר ווינדאוס וויסטע? אפשר מעק? נע! מעק איז זייער קלענסטער קאמפעטישן. נו, ווער יא? נישט קיין צווייטער ווי ווינדאוס XP… ווינדאוס עקס פי איז דער גרעסטער קאמפעטישן פאר ווינדאוס וויסטע.

לויט די קאמפיוטער וועלט האט זיך מייקראסאפט געבראכן, און ערלויבט צו פארקויפן קאמפיוטערס מיט די XP אפערעיטינג סיסטעם ביז… יוני 2010. עיקבתא דמשיחא. אויסטערליש.

Israel.com איז פארקויפט געווארן פאר 5.8 מעלאנעס? נישט לויט יעדעם, עס איז א גרויסע מחלוקת הפוסקים, דריי טענה'ן אז עס איז יא פארקויפט געווארן, און איינער טענה'ט אז נישט. איז דאך יחיד ורבים הלכה כרבים. אפשר נישט?

אין די זעלבע צייט קומט אן די נייעס, אז אמעריקא.קאם האט נישט געהאט אזא מזל ווי ישראל.קאם. כאטש וואס עפ"י חשבון וואלט דאס געדארפט זיין דאס מערסטע געזוכטע דאמעין נאמען, ס'טייטש? Amarica.com! ס'ארא פראגע?

דער ביד פארגאנגענע וואך האט דערגרייכט צו "נישט מער" ווי 1.71 מיליאן דאלער. פארשעמענדיג דעם רייכן אמעריקא. און אנדערש ווי פאראויסקוקער האבן געטענה'ט אז דא גייט זיך פארקויפן פאר נישט אונטער 12.5 מיליאן.

איך פערזענליך האלט אז די ווארט אמעריקא זאגט נישט גארנישט, אמעריקא איז נישט מער ווי א קאנטינענט. פארט אבער האט על קאידע אטאקירט 'אמעריקא', און קיינער זאגט נישט אז זיי האבן אטאקירט די "יונייטעד סטעיטס". איך וועל מוזן טראכטן פארוואס.

אנדערע זאגן אז דאס איז א קלארע צייכן אז די עקאנאמיע האט געכאפט א טיפן דרימל.

א ספרעי מיטן נאמען "פאטא בלאקער" איז געאייגנט ארויפצוספרעיען אויף די לייסענס פלעיטס פון א קאר, און פארמישן די פלעש פון א קאמערע וועלכע פראבירט עס אפצוכאפן. די שיין פון די ספרעי רעפלעקטירט זיך צוריק אריין אינעם קאמערע, און לאזט עס נישט ליינען די נומערן. אבער אפילו א געניט אויג וועט נישט באמערקן אז עס איז אנגעספרעיט, מען קען געהעריג ליינען ווייטער די נומערן אויפן פלעיט, און עס איז בלויז א חילוק פאר די קאמערע פלעש.

די פירמע זאגט אז זיי האבן שוין פארקויפט 500,000 שטיק אבער דערווייל האבן בלויז 1% קאסטומער זיך אפגערעדט. פילע קאסטומערס טוען זיך אויף אפען אז זיי זענען דורכגעפארן טראפיק לייטס מיט קאמערעס און קיינמאל נישט באקומען קיין טיקעט.

ווידעראום א טעסט וועלכע איז דורכגעפירט געווארן דורך די לעיקוואוד פאליציי, ווייזט אז דער טראפיק לייט קאמערע האט געהעריג אפגעכאפט די לייסענס פלעיט נומערן וועלכע זענען אנגעשפריצט געווארן דורך די ספרעי. "אויב עס ארבעט איז עס אומלעגאל" זאגן געזעץ קענער.

פארט קען נאך אלץ זיין אז עס ארבעט גוט פאר פילע נישט אזאלכע פארגעשריטענע טראפיק לייט קאמערעס, אדער אויב מען ספרעיט מער ווי די רעקאמענדירטע "פיר קאוד'ס" וועלכע קען עס מאכן נאך מער שיינענדיג, אדער אויב די זון שיין העלפט ארויס און שיינט פונקט דאן אויף די לייסענס פלעיט, און סתם אזוי פאר ציווילע מענטשן וועלכע ווילן פאר סיי וועלכע סיבה כאפן א בילד מיט זייער קאמערע פון דיין לייסענס פלעיט.

מען קען עס באקומען דא פאר די פרייז פון 24.95 – א נישטיגע פרייז פאר א פראבע קעגן די היינטיגע געלט פרעסערישע טיקעטס.

]]> http://furshrit.wordpress.com/2008/06/03/%d7%9e%d7%a8%d7%90-%d7%93%d7%a2%d7%9c%d7%9e%d7%90-%d7%92%d7%a2%d7%a2%d7%a0%d7%93%d7%99%d7%92%d7%98-%d7%9e%d7%99%d7%98-%d7%90%d7%a4%d7%9b%d7%90%d7%a4%d7%9f-%d7%a7%d7%90%d7%a8-%d7%a4%d7%9c%d7%a2%d7%99/feed/ 0 metrotec http://furshrit.wordpress.com/2008/06/02/%d7%a1%d7%98%d7%99%d7%95%d7%95-%d7%93%d7%96%d7%a9%d7%90%d7%91%d7%a1-%d7%a9%d7%9c%d7%90%d7%a4%d7%98-%d7%a0%d7%99%d7%a9%d7%98-%d7%98%d7%a2%d7%9c%d7%a2%d7%a4%d7%90%d7%9f-%d7%90%d7%9f-%d7%a7%d7%99%d7%99/ http://furshrit.wordpress.com/2008/06/02/%d7%a1%d7%98%d7%99%d7%95%d7%95-%d7%93%d7%96%d7%a9%d7%90%d7%91%d7%a1-%d7%a9%d7%9c%d7%90%d7%a4%d7%98-%d7%a0%d7%99%d7%a9%d7%98-%d7%98%d7%a2%d7%9c%d7%a2%d7%a4%d7%90%d7%9f-%d7%90%d7%9f-%d7%a7%d7%99%d7%99/#comments Mon, 02 Jun 2008 16:52:10 +0000 metrotec http://furshrit.wordpress.com/?p=53 ]]> דורך:מארק123

מעק רומערס דעקט אויף געוואלדיגע נייעס, אז עפל האט אריינגעגעבן א פאטענט אפליקאציע פאר טעלעפאנען וועלכע וועלן ארבעטן מיט סאלער און זון שטראלן, און וועלן נישט דארפן קיין רעטשארדזשער.

דאס זעלבסט איז נישט עפל'ס פאטענט, דער פאטענט גייט אבער ווייטער.

איינס פון די עיקר פראבלעמען פארוואס עס האט נאכנישט עקזיסטירט אזא זאך ביז יעצט איז צוליב די פלאץ וואס א סאלער באטעריע פארלאנגט אויפן טעלעפאן, קיינער דארף נישט קיין מעלאנע אין טאש, און מען זוכט אז דער סעלפאן זאל זיין ווי קלענער.

מה עשה עפל? זייער פאטענט לויטעט אז דער סאלער אויפכאפער זאל דוקא זיין דער LCD סקרין, דאס הייסט אז היות דער סקרין איז גענוג גרויס אויפן אייפאון זאל עס שוין טון נאך א פעולה, דער סאלער באטערי וועלכע וועט ליגן אונטער די סקרין וועט קענען זיין גענוג קליין, ווייל דער עיקר ארבעט וועט געטון ווערן דורכן סקרין. דאס מיינט אז דער סקרין וועט מוזן זיין פון א סארט וואס איז נאכנישט געווען ביז יעצט.

דאס אריינגעבן א פאטענט מיינט נישט אז עפל טראכט אזוי ערנסט פון עס טון. און מען דארף נאכנישט זיין אזוי עקסייטעד. טעכעלאגישע קאמפאניס געבן אריין יעדן טאג פרישע פאטענטן מינים ממינים שונים, וועלכע רוב פון זיי האלטן שוין נאך המפיל.

אבער דער צינישער בליק פון סטיוו דזשאבס, דער בליק וועלכע האט געוואונען אזא שטארקע צוטרוי ביי די מאסן אלץ א גוזר ומקיים, פאראורזאכט אז מעק יוזערס זאלן טראכטן אז עפעס ערנסטערס קומט דארט פאר, אין די מח פון סטיוו'ן.

]]> http://furshrit.wordpress.com/2008/06/02/%d7%a1%d7%98%d7%99%d7%95%d7%95-%d7%93%d7%96%d7%a9%d7%90%d7%91%d7%a1-%d7%a9%d7%9c%d7%90%d7%a4%d7%98-%d7%a0%d7%99%d7%a9%d7%98-%d7%98%d7%a2%d7%9c%d7%a2%d7%a4%d7%90%d7%9f-%d7%90%d7%9f-%d7%a7%d7%99%d7%99/feed/ 0 metrotec http://furshrit.wordpress.com/2008/06/02/%d7%90%d7%93%d7%95%d7%91%d7%99-%d7%90%d7%95%d7%a0%d7%9c%d7%99%d7%99%d7%9f-%d7%9e%d7%99%d7%98-%d7%a0%d7%99%d7%99%d7%a2-%d7%92%d7%a2%d7%a9%d7%9e%d7%90%d7%a7%d7%a2-%d7%90%d7%a4%d7%a6%d7%99%d7%a2%d7%a1/ http://furshrit.wordpress.com/2008/06/02/%d7%90%d7%93%d7%95%d7%91%d7%99-%d7%90%d7%95%d7%a0%d7%9c%d7%99%d7%99%d7%9f-%d7%9e%d7%99%d7%98-%d7%a0%d7%99%d7%99%d7%a2-%d7%92%d7%a2%d7%a9%d7%9e%d7%90%d7%a7%d7%a2-%d7%90%d7%a4%d7%a6%d7%99%d7%a2%d7%a1/#comments Mon, 02 Jun 2008 13:41:12 +0000 metrotec http://furshrit.wordpress.com/?p=49 ]]> דורך:MetroTec

די פירמע אדובי וועלכע איז אויך צווישן די טעכנאלאגיע לייבן אין די Silicon Valley אין קאליפארניע, האט ווידער באשלאסן אריינצושפרייזן אין יענעמ'ס טעריטאריע, און ארויסגעקומען מיט די acrobat.com פעקעדזש, וועלכע וועט זיין א קאמפעטישן פאר גוגל

דער פעקעדזש ענהאלט: Adobe Brio פאר ווירטואלישע מיטונגען, Adobe Buzzword פאר טייפסעטינג און אויסשטעלן, און Adobe Share צו שיקן פיילס. די דריי אפליקאציעס זענען שוין ארויסגעקומען אפאר מאנאטן צוריק, אבער דאס צוזאמענשטעלן אונטער איין דאך, איז אן אנדייטונג אויף א פרישע עפאכע אין אדובי'ס היסטאריע פון "אונליין סאפטוועיר". א פעלד וועלכע זיי זענען נישט געווען ביז יעצט די נומער 1, און אויך נישט נומער 10.

ממש לעצטנס זענען זיי ארויסגעקומען מיט די פאטאשאפ אונליין, אבער לאמיר נישט רעדן קיין לשון הרע…

די עיקר (א.ג.) באמבע וועלכע דער נייער פעקעדזש פארמאגט איז דער אלעמען באקאנטן PDF אקראבאט פראגרעם, וועלכע וועט ערלויבן צו שאפן און צוזאמענשטעלן PDF פיילס אונליין, א זאך וועלכע קען זיין היפש אינטערסאנט פאר די וועלכע פארמאגן בלויז די מאגערע Acrobat Reader אין זייער קאמפיוטער, אן קיין מעגליכקייטן זיך ארומצושפילן מיט קיין פי די עף פיילס. אבער נישט פארגעסן, דאס איז נאך אין די "בעטא" סטאטוס.

אויך האבן זיי באפרייט דעם 9'טן ווערסיע פון די געהעריגע אקראבאט, וועלכע פארמאגט פילע פרישע מעגליכקייטן, צווישן זיי אריינצולייגן א פלעש אין די פייל. דאס הייסט אז ווען איינער וועט ליינען דעם פי די עף וועט ער האבן די מעגליכקייט צו זען  לעבעדיגע "מאצינאלע" (אםםם… נו? שאקעלדיגע…) פרעזענטאציעס.

]]> http://furshrit.wordpress.com/2008/06/02/%d7%90%d7%93%d7%95%d7%91%d7%99-%d7%90%d7%95%d7%a0%d7%9c%d7%99%d7%99%d7%9f-%d7%9e%d7%99%d7%98-%d7%a0%d7%99%d7%99%d7%a2-%d7%92%d7%a2%d7%a9%d7%9e%d7%90%d7%a7%d7%a2-%d7%90%d7%a4%d7%a6%d7%99%d7%a2%d7%a1/feed/ 0 metrotec http://furshrit.wordpress.com/2008/06/01/israelcom-%d7%a4%d7%90%d7%a8%d7%a7%d7%95%d7%99%d7%a4%d7%98-%d7%a4%d7%90%d7%a8-588-%d7%9e%d7%99%d7%9c%d7%99%d7%90%d7%9f/ http://furshrit.wordpress.com/2008/06/01/israelcom-%d7%a4%d7%90%d7%a8%d7%a7%d7%95%d7%99%d7%a4%d7%98-%d7%a4%d7%90%d7%a8-588-%d7%9e%d7%99%d7%9c%d7%99%d7%90%d7%9f/#comments Sun, 01 Jun 2008 18:00:27 +0000 metrotec http://furshrit.wordpress.com/?p=48 ]]> דורך:MetroTec

עס איז נאכנישט באקאנט קיין פרטים ווער עס האט עס אפגעקויפט, און וואס ער וועט טון דערמיט.

ווי עס איז ברייט באריכטעט געווען, האט נואל פרידמאן, 46, אפגעקויפט דעם דאמעין נאמען אין 1994, און ער האט נישט געחלומט אז דער פרייז וועט ארויפגיין אזוי הויעך. ער ערקלערט אז ער האט עס פריוואט אפגעקויפט, ווייל ער האט נישט געוואלט אז דער נאמען זאל גענוצט ווערן פאר אנטי-ישראלי'שע אינטערסען.

]]> http://furshrit.wordpress.com/2008/06/01/israelcom-%d7%a4%d7%90%d7%a8%d7%a7%d7%95%d7%99%d7%a4%d7%98-%d7%a4%d7%90%d7%a8-588-%d7%9e%d7%99%d7%9c%d7%99%d7%90%d7%9f/feed/ 0 metrotec http://furshrit.wordpress.com/2008/05/30/%d7%a2%d7%a4%d7%9c-%d7%a1%d7%98%d7%90%d7%a8-5th-ave-%d7%a4%d7%90%d7%a8%d7%9e%d7%90%d7%9b%d7%98-%d7%a0%d7%a2%d7%9b%d7%98%d7%9f-%d7%90%d7%95%d7%99%d7%a3-%d7%a6%d7%99%d7%99%d7%98%d7%95%d7%95%d7%99%d7%99/ http://furshrit.wordpress.com/2008/05/30/%d7%a2%d7%a4%d7%9c-%d7%a1%d7%98%d7%90%d7%a8-5th-ave-%d7%a4%d7%90%d7%a8%d7%9e%d7%90%d7%9b%d7%98-%d7%a0%d7%a2%d7%9b%d7%98%d7%9f-%d7%90%d7%95%d7%99%d7%a3-%d7%a6%d7%99%d7%99%d7%98%d7%95%d7%95%d7%99%d7%99/#comments Fri, 30 May 2008 14:39:16 +0000 metrotec http://furshrit.wordpress.com/?p=47 ]]> דורך:MetroTec

עס איז די דריטע מאל אין די היסטאריע וואס דער געשעפט טירן ווערן פארמאכט. פאר ווער עס ווייסט נישט, דער געשעפט איז אפען 24/7 אן קיין הפסק. ווען דו דארפסט אמאל א "עפל דזשוס" דרייע באנאכט, לויף אהין.

אויף זייער סטאר פעידזש שטייט א מעסעדזש וועלכע ליינט זיך ווי פאלגענד:

Store hours:

Please note: we will be temporarily closed Thursday, May 29 at 3:00 p.m. and will reopen Friday, May 30 at 9:00 a.m. During this time, please visit one of our other two Manhattan locations: Apple Store, SoHo, or Apple Store, West 14th Street.

היינט צופרי 9:00 האבן זיי צוריק געעפנט.

וואס עס דארף צו מיינען, זאגן די ארבייטערס אז מען גייט רעקארדירן א קאמערשאל.

די צוויי מאל ווען זיי האבן פארמאכט דעם סטאר איז ווען דער אייפאון איז ארויסגעקומען, און ווען לעפערד איז ארויסגעקומען. דאס ברענגט שפעקולאציעס אז דער עפל אינדוסטריע וועט זיך ווידער שאקלען. בי רעדי!

מעק ראומערס טענה'ן אז עס איז וועגן א רעקארדירונג פאר די נייע 3G אייפאון.

יעצט זעה איך אין די איילייף וועבזייטל די אפדעיטס פון נעכטן ביינאכט, מיט לעבעדיגע בילדער און אפדעיטס.

דער ארטיקל איז אן (אייגענער) איבערזעצונג פונעם ענגלישן וויקפעדיע, און מעגליך אקטועל בעפאר דעם קאנטרי טרעוולינג סעזאן.

======

ניו יארק סטעיט געאגראפישע אפטיילונגען

די פירערשאפט אפטיילונגען אין ניו יארק סטעיט וועלכע זענען אנדערש פון פילע אנדערע שטאטן אין די פאראייניגטע שטאטן פון אמעריקע, פירן צו מיספארשטענדענישן בנוגע די גאווערמענטאלע נאטור פון טעריטאריעס.

ניו יארק סטעיט האט 62 קאונטי'ס.

די קאונטיס זענען איינגעטיילט אין 932 טאונ'ס, 62 סיטי'ס, און 14 "אינדיען רעזערוועישאן'ס".

– קאונטי –

בילד: געאגראפישע מאפע פון אלע קאונטי'ס אין ניו יארק סטעיט.

קאונטי איז א פונדעמענטאלע פירערשאפט אפטיילונג פון ניו יארק סטעיט. עס זענען פארהאן 62 קאונטיס אין ניו יארק. פינף פון די קאונטיס זענען די "באראס" פון ניו יארק סיטי (קינגס וואס איז ברוקלין, ניו יארק וואס איז מאנהעטן, קווינס, בראנקס, ריטשמאנד וואס איז סטעטן איילענד), און האבן נישט קיין פונקציאנירנדע קאונטי גאווערמענט חוץ פון האלטן עפענטליכע פאפירן (Public Records). קאונטיס ענהאלטן א סכום 'טאונס' אונטער זיך, און אויך צומאל 'סיטיס'. טאונס קענען ענהאלטן אין זיך פאראייניגטע ווילעדזש'עס, וואו די "קאונטי" פירערשאפט איז פלאצירט.

קאונטיס זענען פאראנטווארליך פאר פילע פירערשאפט פונקציעס פאר אלע טעריטאריעס אין זייערע גרעניצן – וועלכע זענען נישט באאויפטראגט מיט אן אייגענע פירערשאפט. צום מערסטנס מינט דאס כלליותדיגע פלאנירונגען, פאליציי סערוויסעס, סאשעל וועלפעיר, און אנפירן די עדיוקאציע (חינוך) סערוויסעס, און אויך געוויסע געריכט סערוויסעס.

27 קאונטיס אין די סטעיט אפערירן אונטער די אלגעמיינע מיטלען פון די קאונטי געזעצן, און 20 קאונטיס האבן אייגענע קאונטי טשארטערס (ענליך צו א קאנסטיטוציע), אבער אלע קאונטיס האבן א געוויסע ברייטקייט צו אייגענע פירערשאפט, די "טשארטער" קאונטיס ערלויבן זיך בעסערע היים געזעצן שטארקייט.

א ליסטע פון די טשארטער קאונטיס אין 2006 גענומען פון דא Albany, Broome, Chautauqua, Chemung, Dutchess, Erie, Herkimer, Monroe, Nassau, Oneida, Onondaga, Orange, Putnam, Rensselaer, Rockland, Schenectady, Suffolk, Sullivan, Tompkins, און Westchester.

געווענליך פירט זיך א קאונטי דורך א קאונטי עקזעקוטיוו און לעגיסלאטור (פארלאמענט). אין געוויסע קאונטיס איז די לעגיסלאטור די 'באורד אויף סופערווייזערס', צוזאמענגעשטעלט פון די טאון און די סיטי אריינגעוויילטע סופערווייזערס. אין אנדערע קאונטיס רופט זיך די לעגיסלעטיווע קערפערשאפט אלץ "באורד אוו רעפרעזענטעטיווס", באורד אוו לעגילעיטארס", אדער "קאונטי לעגיסלעטור".

אויך אין נישט טשארטער קאונטיס, האבן די לעגיסעלעטיווע קערפערשאפט געוויסע אייגענע כוחות.

• א ליסטע פון אלע קאונטיס אין ניו יארק סטעיט אינעם ענגלישן וויקיפעדיע [1].

– סיטי –

א סיטי אין ניו יארק באדייט א אויטאנאמישע פארבינדענע געגנט, געווענליך 'אין' א קאונטי.

געוויסע קאונטיס איבער ניו יארק סטעיט פארמאגן מער ווי איין סיטי, און געוויסע פארמאגן גארנישט קיין סיטי.

א סיטי שטעלט צו מער ווייניגער אלע סערוויסעס צו אירע איינוואוינער און האט די העכסטע דעגרי פון היים געזעצן און טעקסעס באפולמעכטיגונג אויף אירע איינוואוינער. די הויפט חילוק צווישן א סיטי און א ווילעדזש איז אז די סיטיס פירן זיך לויט זייערע טשארטערס, וועלכע קען זיין אנדערש איין סיטי פונעם צווייטן, אבער ווילעדזשעס זענען אונטערגעבויגן אונטער איין קלארע פארמירטע אלגעמיינע ווילעדזש געזעצן. אויך זענען ווילעדזשעס א חלק פון א טאון וועלכע די איינוואוינער צאלן דארט שטייערן און באקומען אירע סערוויסעס. ווידעראום סיטיס, סיידן איינצעלנע, זענען אומאפהענגיק פון טאונס. געוויסע סיטיס זענען גענצליך ארומגענומען דורך א טאון, געווענליך מיט די זעלבע נאמען, אויך אזא סיטי איז נישט אונטערגעווארפן אונטער די טאון.

עס זענען פארהאן צוויי און זעכציג, 62, סיטיס אין ניו יארק סטעיט. עס איז נישט דא קיין מינימיום פאפולאציע אדער געגנט פארלאנגן צו קענען ווערן א סיטי.

די פארומס פון פירערשאפט וואס סיטיס קענען האבן זענען, קאנסול מענעדזשער, שטארקע מעיאר קאנסיל, שוואכע מעיאר קאנסיל אדער קאמישאן. פיר און פערציג סיטיס נוצן די מעיאר-קאנסול פארום, אין וועלכע די מעיאר איז דער פירער, און די סיטי קאנסול מעמבערס פארמירן די לעגיסלאטור. גרעסערע סיטיס האבן אויך סיטי געריכטן.

ווען עס קומט צו ניו יארק סיטי קען עס אויסקוקן קאמפליצירט. ניו יארק סיטי איז די איינציגטסע סיטי וואס איז נישט "אין" א קאונטי, נאר אדרבה עס געפונען זיך גאר אין איר פינף קאונטיס, אבער נישט ממש, זיי ווערן אנגערופן "באראוס" אנשטאט קאונטיס, ווי שפעטער ערווענט. אונטער די סטעיט פראצעדור וועלכע ווערט אנגערופן "קאנסולטאציע" ערלויבט דאס פאר'ן סיטי צו אנעקסירן ריזיגע געגנטער אריבער אירע ארגינעלע גרעניצן.

די גרעסטע סיטי אין ניו יארק איז ניו יארק סיטי, און די קלענסטע איז שעריל סיטי.

• א ליסטע פון אלע סיטיס אין ניו יארק, און אין וועלכע קאונטיס זיי געפונען זיך [2].
• א מאפע ווי אלע סיטיס אין ניו יארק סטעיט געפונען זיך [3].

– טאון –

יעדע קאונטי אין ניו יארק סטעיט ווערט צעטיילט אין טאונ'ס. יעדע איינוואוינער אין ניו יארק וועלכע וואוינט נישט אין א סיטי (אדער אין אן אינדיען רעזערוואציע) וואוינט אויטאמאטיש אין א טאון. עס איז פארהאן 932 טאונס אין ניו יארק. אזויווי ווילעדזשעס, קענען טאונ'ס נישט אריבערגיין די קאונטי גרעניצן, היות זיי זענען א חלק פון די קאונטי.

טאונס זענען א פיליאלע פון די גאווערמענט פירערשאפט. די טאון באורד טוען סיי עקזעקוטיווע און סיי לעגיסלעטיווע פונקציעס. די טאון סופערווייזער שטייט העכערן באורד, אבער האט נישט קיין וועטא מאכטן. די געריכט פיליאלע'ס זענען באקאנט אלץ "טאון קאורט" אדער "יוסטיץ קאורט".

א טאון קען ענהאלטן אסאך אדער גארנישט ווילעדזש'עס. פינף טאונס האבן בלויז איין ווילעדזש; 'גרין איילענד' אין אלבעני קאונטי, 'איסט ראטשעסטער' אין מאנראו קאונטי, און 'סקערסדעיל', 'העריסאן' און 'מאונט קיסקא' אין וועסטשעסטער קאונטי. ווען אזא מצב פארמירט זיך, ווערט אפגעהאלטן א רעפערענדום צו באשלוסן צו די איינוואוינער זאלן באקומען א ווילעדזש-סטיל אדער א טאון-סטיל גאווערמענט (וועלכע וועט ווי דערמאנט טוהן די פונקציעס פון ביידע).

פילע פלעצער וועלכע ענהאלטן די ווארט "טאון" אין זייערע נעמען זענען בכלל נישט קיין טאונס.

• א ליסטע פון אלע טאונס אין ניו יארק סטעיט אין דער ענגלישער וויקיפעדיע [4].

– ווילעדזש –

א ווילעדזש איז א פאראייניגטע געגנט אין א טאון. א ווילעדזש איז א קלארע באגרעניצטע מוניציפאליטעט וועלכע שטעלט צו סערוויסעס צו אירע איינוואוינער, ווי צוזאמענעמען די גארבעדזש, גאסן און שאסייען צוגעהערן, גאסן באלייכטונגען און בילדינג קאודס. געוויסע ווילעדזש'עס שטעלן צו זייערע אייגענע פאליציי און אנדערע פאליטיקאלע סערוויסעס. א ווילעדזש האט ווייניגער אויטאנאמיע פון א סיטי. די מוניציפאלע סערוויסעס וועלכע דער ווילעדזש שטעלט נישט צו ווערן צוגעשטעלט דורך די טאון, אדער דורך די טאון צוזאמען מיטן ווילעדזש. אין 2000 האבן עקזיסטירט 553 ווילעדזשעס אין ניו יארק סטעיט.

די לעגיסלאטור פון א ווילעדזש זענען די באורד אוו טראסטיס, וואס באשטייט פון א מעיאר מיט (געווענליך) פיר טראסטי'ס. דער מעיאר פארמאגט נישט קיין וועטא מאכטן, סיידן ער באקומט דאס דורכ'ן לאקאלע געזעץ. א ווילעדזש מוז האבן א מונאציאפאלע בילדונג אדער א ווילעדזש האל. ווילעדזשעס קענען אויך האבן א "ווילעדזש יוסטיץ".

זיך צו פאראייניגן אלץ א ווילעדזש, מוז דער טעריטאריע פארמאגן צום ווייניגסטנס 500 איינוואוינער און טאר נישט זיין מער ווי 5 סקווער מייל. דער פראצעס צו מאכן א ווילעדזש הייבט זיך אן מיט א פעטיציע דורך 20 פראצענט פון די איינוואוינער, אדער 50 פראצענט הויז אייגענטומער. און דאן קומט פאר די וואלן.

א ווילעדזש קען זיך אויסגעברייטערט אין מער ווי איין טאון אדער קאונטי. מער פון 70 ווילעדזשעס זענען לאקירט אין צוויי אדער מער טאונס, און 7 ווילעדזשעס זענען אין צוויי קאונטיס. די 'סעראנאק' ווילעדזש איז אין דריי טאונס און צוויי קאונטיס.

• א ליסטע אין דער ענגלישער וויקיפעדיע פון אלע ווילעדזשעס אין ניו יארק סטעיט

– העמלעט –

א העמלעט, דערפל, אין ניו יארק סטעיט באדייט א באזעצטע געגנט אין א טאון וועלכע איז נישט א חלק פון א ווילעדזש. די טערמין 'העמלעט' איז נישט א באגרעניצונג פון די ניו יארקער געזעץ (אזויווי סיטיס, טאונס און ווילעדזשעס), אבער ווערט אפט באנוצט אין די סטעיט געזעצן צו באצייכענען א באקאנטע באזעצטע געגנט אין טאונס וועלכע זענען נישט פאראייניגט אונטער א ווילעדזש.

א העמלעט האט נישט קיין לעגאלע סטאטוס און איז אנגעוויזן אויפן טאון אין וועלכע זי געפינט זיך צו באקומען סערוויסעס און פירערשאפט. די געגנט פון א העלמעט מוז נישט זיין גענוי באגרעניצט און קען זיך פשוט אריינפאסן צו די זיפ קאוד פון איר 'פאסט אפיס', אדער ביי איר סקול אדער פייער דיסטריקט. איינוואוינער פון א העמלעט וועלן עפ"י רוב זיך אידענטיפיצירן מיט די העמלעט נאמען ליבערשט ווי די טאון נאמען. געוויסע העמלעט'ס וועלכע זענען נאענט צו גרעסערע געגנטער וועלן צומאל זיין א חלק פון די סיטי'ס און ווערן באטראכט ווי שכנים, אבער זיי זענען נאך אלץ אונטער די קאנטראל פונעם טאון.

העמלעט'ס ווערן צומאל אנגערופן "אומפאראייניגטע געזעלשאפט" (ענגליש: unincorporated community).

– אויסשליסליכע אפטיילונגען נעמען פאר ניו יארק סיטי –

באראו

דאס מערסטע באקאנטע איבערטייטש אין אידיש איז די טערמין 'פערטל' וועלכע פלעגט היפש באנוצט ווערן אין דער אלטער היים אין אייראפע ("דאס אידישע פערטל"). דאס באדייט א געגנט מיט אן אייגענע פירערשאפט.

באראו ווערט בלויז באנוצט אין ניו יארק סיטי, און עס איז נישטא קיין שום אנדערע פלאץ אין ניו יארק סטעיט וועלכע באנוצן זיך מיט דעם טערמין. א באראו רעפלעקירט די אייגנארטיגע וועג וויאזוי ניו יארק סיטי האט זיך אויפגעבויעט. אונטערן געזעץ פון ניו יארק סטעיט איז א באראו א רעזולטאט ווען די טאונס, ווילעדזשעס אדער סיטיס אין א קאונטי באשליסן זיך צו פאראייניגן מיט איר אייגענע קאונטי זעלבסט.

די פינף באראוס אין ניו יארק סיטי זענען:

• די בראנקס (בראנקס קאונטי)
• ברוקלין (קינגס קאונטי)
• מאנהעטן (ניו יארק קאונטי)
• קווינס (קווינס קאונטי)
• סטעטן איילענד (ריטשמאנד קאונטי)

די באראוס זענען ארגינעל באשטימט געווארן צו אנהאלטן געוויסע לאקאל פירערשאפט אין די פאראייניגטע סיטי וועלכע איז געגרינדעט געווארן אין יארע 1898. יעדע בארא באזונדער ערוויילט א "באראו פרעזידענט". די "סטעיט אוו ניו יארק לאקעל גאווערמענט הענד-בוק" זאגט אז: "די פינף באראוס אין ניו יארק סיטי פונקציאנירט ווי קאונטיס פאר געוויסע מאטיוון, כאטש זיי זענען נישט אזוי ארגאניזירט און זיי אפערירן נישט ווי קאונטי גאווערמענטס".

וואס עס איז דאס מערסטע ספעציעל אין די 5 באראוס, מער ווי א געווענליכע קאונטי, איז דאס אויסקלויבן א באזונדערע דיסטריקט אטורני פאר יעדע באראו באזונדער. די דיסטריקט אטורני סיסטעם אין די פינף באראוס פאררופן זיך אויף די נאמען פון די קאונטי און נישט פון די באראו, למשל די ברוקלין דיסטריקט אטורני רופט זיך "קינגס קאונטי דיסטריקט אטורני".

קאמיונעטי בארד

א קאמיונעטי בארד איז א לאקאלע פארשטייער קערפערשאפט, וועלכע ווערן נישט ערוועלט. יעדע באורד באשטייט פון פופציג אומבאצאלטע מעמבער'ס באשטימט דורך די באראו'ס פרעזידענט. העלפט פון די מעמבערס זענען נאמינירט דורך די סיטי קאונסיל מעמבערס וועלכע רעפרעזענטירן די געגנט. די כח פון א קאמיונעטי באורד איז זייער באגרעניצט, זיי סערווירן אלץ יועצים בנוגע זאונינג און לאנד, בודזשעט און אנדערע געברויכן פון די קאמיונעטי. די בארד קען רעקאמענדירן אקטיוויטעטן בשייכות מיט די סיטי גאווערמענט, אבער זיי קענען עס נישט ארויפצוואונגען. עס זענען פארהאן 59 קאמינעטי בארדס, וועלכע ווערן אידענטיפיצירט ביי א בארא און א נומער (למשל, ברוקלין קאמיונעטי בארד 3 וכדומה).

• ברוקלין אידישע קאמיונעטי בארד [5].

– געגנט –

איינצוטיילן געגנטן איז א אנגענומענע זאך איבער דער גאנצער וועלט. א געגנט (ענגליש: neighbourhood) איז א פשוטע אידענטיפיקאציע מיטל, אז דאס וואוין ארט זאל זיך אידענטיפיצירן מער ספעציפיש ווען מען קאמיוניקירט מיט אנדערע. א געגנט קען זיך געפונען אין סיי וועלכע פון די אלע אויבנדערמאנטע דיוויזיעס. עס טראגט כמעט נישט קיין לעגאלע געוויכט מיט זיך, ניטאמאל אויף די פאסט שרייבט מען ארויף דעם געגנט נאמען, (בלויז די קאונטי|בארא און דעם שטאַט). פארט געבט דאס אפטמאל אפיציעלע סעמי-אפיציעלע סטאטוס'ן, ווי א "נעיבערהאוט אסוסיאציע" אדער א "בלאק וואטש".

– אידישע געגנטן –

ברוקלין, ניו יארק סיטי

• וויליאמסבורג, בארא פארק, פלעטבוש און קרוין הייטס זענען אלע געגנטן (neighborhoods) אין ברוקלין בארא.

ראמאפאו טאון, ראקלאנד קאונטי

• מאנסי איז א העמלעט.
• ספרינג וואלי איז א ווילעדזש, גרעניצט זיך מיט מאנסי.
• כתר איז א ווילעדזש פון וויזניצער חסידים גרעניצט זיך מיט מאנסי.
• ניו סקווירא איז א ווילעדזש אפאר מינוט אוועק פון מאנסי.

מאנראו טאון, ארענדזש קאונטי

• קרית יואל איז א ווילעדזש.

עס איז נארוואס באקאנט געווארן אז דער דעמאקראטישער פרעזידענט קאנדידאט, סענאטאר באראק אבאמא, האט שוין געספענדט 3.5 מיליאן דאלער אויף אינטערנעט און גוגל אדווערטייזינג.

מקור.